Trayekto online pa profeshonalisá den e sèktor di arte i kultura.

WILLEMSTAD – Organisashon Uniarte a desaroyá un programa online ku yama Stimulá: pa freelancers, individualnan, i produktornan cultural ku ta interesá pa siña tokante e parti di negoshi i maneho di e sektor cultural i artístiko. Stimulá ta enserá 8 online workshops ku seshon di coaching pa individual, produktor kultural i freelancers ku ta biba den islanan karibense (Curaçao, Aruba, Bonaire, Saba, Sint Eustatius, Sint Maarten i area )ku ta interesá pa siña mas tokante e trabou di di produkshon i fasilistá proyekto i desaroyo kultural i artístiko. Partispashon ta kompletamente gratis. Stimulá tambe ta intenshoná pa realisá interakshon, konèkshon, i insiprashon kolektivamente ku tur hende di e isla nan Karibense ku ta desaroyando riba e tereno aki. E coach di e programa aki lo ta autor, atministradó i produktor kultural ku a kaba di publiká su buki: ‘Entangled Species’, Sasha Dees. E lo bai duna workshop di maneho di proyekto, kon pa komponé aplikashon pa fondo i skirbimentu di proposishon. Mas professional den e sektor di kultura a wordu invitá pa duna klase den e kontteeksto di pro ehempel: arte visual, literatura, sinematografia i arte interdisiplinario Pa apliká I mas informashon por bai riba Uniarte su wèpsait: https://uniarte.org/open-call/
Por inskribí pa e trayekto Stimulá te ku: 25 di Mei 2022
E proyekto aki a wordu realisá ku e fondo di: Cultuurparticipatie i Fonds Vriendenlotterij.
Uniarte, ta un organisashon no-lukrativo ku ta organisá proyekto- I enkuentronan, stimuli desaroyo artístiko I interakshon ku públiko. Banda di kompartí arte kontemporáneo, Uniarte ta aktivá kòmbersashonnan tokante region Karibense I su konteksto