Tragedia na Pakistan: Kuerpo di reskate a logra saka 51 kadaver for di riu Tanda Dam

ISLAMABAD – Djadumingu mainta un grupo di 57studiante huntu ku nan profesor a bai ku ekskurshon riba un boto riba Riu Tanda Dam na Kohat.
E kapitan di e boto a keda alerta pa kanselá su biahe ku e studiantenan debí na mal tempu pero a opta pa bai tòg.
Akbar Zaman bosero di kuerpo polisial na Kohat a indika ku djaluna nan a logra saka 21 persona for di den fondo di e riu i ayera a saka 30 persona mas.
E parti mas tristu di e asuntu aki ta ku tur e studiantenan tabata di entre 7 pa 15 aña di edat.
Akbar Zaman tabata bastante tristu ku lokual a pasa aki debí ku su subrino tambe tabata entre e studiantenan ku a hoga den e aksidente trágiko aki.