Tragedia na Italia: Reskatistanan a haña helikòpter ku tabatin dos dia desaparesé

ROMA – Un impaktante tragedia ku a konmové Italia kompleto ta e tragedia di e helikòpter ku a disparsé for di djabièrnè na parti Nortost di Italia.
Durante dos dia reskatistanan tabata bula den serunan di Mount Cunsa i ku ayera mainta a bin lokalisá restunan di e helikòpter.
Komo ku e lugá ta difísil pa yega i tabatin mal tempu e helikòpternan di reskate no tabata por a laga reskatistanan baha pa wak si tabatin sobrebibiente.
Tur e reskatistanan mester a kana por lo ménos 5 ora pa yega kaminda e helikòpter a kai pa wak si e shete tripulantenan a keda bibu.
Na momentu ku e reskatistanan a yega via radio a komuniká ku nan superiornan ku no tabatin ningun sobrebibiente di e aksidente horibel aki.
Ta parse ku e aksidente aki tabata unu bastante horibel ya ku manera e helikòpter a kai e aparato a eksplotá.
Vitorio Morassi doño di “Avio Helicopters” ku ta e kompania ku a charter buelo di helikòpter a deklará ku lokual a pasa aki tabata un berdadero tragedia.
Ta parse ku e piloto di e helikòpter tabata e úniko Italiano abordo i tur sobra tabata ekstranhero.