Tragedia na Hudson River: Boto di plaser a bòltu ku konsekuensia ku dos persona a hoga i tres ta den estado kritiko

NEW YORK – Keechant Seewell hefe di kuerpo polisial na New York a konfirmá ayera tardi den un rueda di prensa di un tragedia ku a pasa un famia di 5 miembro ku tabata keiru den nan boto di plaser na Hudson River.
Ta parse ku algu a bai robes kompletamente na momento ku boto di plaser a bòltu i ku konsekuensia ku dos persona a hoga miéntras ku e tres otro okupantenan a keda transportá pa hospital na Manhattan den estado kritiko.
Keechant Seewell a splika si ku no tabata pa e hendenan ku tabata pasando den dos fèri den e área kaminda e boto a bòltu tur e okupantenan lo tabata morto.

E hendenan riba e fèri a logra bula na awa pa skapa bida di e tres otro okupantenan ku asina nan a logra sobrebibí.
Eric Adams alkalde di New York a felisitá esnan ku a yuda skapa bida di e tres persona nan pero ta lamentá ku un muhé (50) i su yu (7) a fayesé den e tragedia aki.