Tragedia na Colombia: Avioneta a kai na un zona residensial na Medellin lagando un saldo di 8 morto

MEDELLIN – Ayera un avioneta ku ocho persona abordo a lanta buelo na aeropuerto Olaya Herrera na Medellin ku ocho persona abordo i tabatin komo destinashon final Minisipio Pizzaro na departamento Choco.
E avioneta model Piper di dos motor tabatin apénas algun minüt den aire ku ela bin kai na un sektor residensial ku yama Belén Rosales ku ta serka di e aeropuerto kaminda e aparato a lanta buelo.
Daniel Quintero alkalde di Medellin a deklará ayera tardi den un rueda di prensa ku e piloto di e avioneta a komuniká ku toren di kontrol ku ámbos motor a paga i ku esaki a pone ku elo no tabata por a trata na bolbe bek.
Un total di shete kas a keda kompletamente destruí ku e impakto di e avioneta ku tabata karga ku kombustibel.
Alkalde Daniel Quintero a bisa ku pa suerte ningun hende den e kasnan no a resultá herida den e aksidente aéreo aki.

Esaki ta e avioneta ku a kai riba dak di varios kas na Medellin.