Trafikantenan di droga: Na Colombia kier sinta negoshá ku Gustavo Petro

BOGOTA – Clan del Golfo i otro kuater organisashon di narkotráfiko na Colombia a anunsiá ku nan tin intenshon pa para ku tur aktividat kriminal basta nan por sinta na mesa di negoshashon ku Gustavo Petro. Abogadonan ku ta representá Clan del Golfo i e otro kuater organisashonnan di droga na Colombia skirbi un karta pa Gustavo Petro ku nan ta interesá na sinta na mesa di negoshashon kuné.
Francia Márquez vise presidente di Colombia a manda un mensahe pa e trafikantenan indikando ku Gustavo Petro ta dispuesto.
Ta trata aki di 5 geng di organisashon kriminal na Colombia ku ta dispuesto pa hasi tur lokual ta nan alkansá pa atendé ku seguridat pa e pueblo Colombiano.
For di momentu ku hustisia a ekstraditá Dairo Antonio Úsuga Otoniel Clan d Golfo a bin ta tuma represaya konstantemente na diferente parti di Colombia.