Internashonal
Trafikante mas buska na Merka a keda detené na Mexico
MEXICO – E narkotrafikante mexicano identifiká komo Rafael Caro Quintero ku ta e fugitivo di hustisia mas buska pa FBI i DEA a keda detené ayera na Mexico.
Pa algun tempu kaba DEA i FBI tabata ofresé un rekompensa di $20 mion pa kaptura di Rafael Caro Quintero bibu of morto.
Segun fuentenan polisial na Mexico e narkotrafikante di droga aki a keda detené ayera tardi na munisipio Guachochi ku ta keda na Chihuahua.
Rafael Caro Quintero di 69 aña di edat ta keda akusá di un lista largu di krímen entre nan sekuestro i asesinato di Enrique Camarena un agente di DEA.
Tambe tabata manda toneladanan di droga pa diferente parti di Merka for di aña 1996.
Rafael Caro Quintero ta un di e kaponan di droga ku mester a keda ekstraditá pa Merka pero ku semper a logra skapa sea for di prizon of di hustisia na Mexico.