Trafikante di droga Hondureño mihó konosí komo José Luis Oliva a keda ekstraditá pa Merka

TEGUCIGALPA – Un di e trafikantenan di mas violento den e último dékada ku a pasa na Honduras a keda ekstraditá ayera pa Merka.
Tin konfirmashon agentenan di DEA a baha den un avion aproksimadamente 3’or di ayera atardi na Base Aérea Hernán Acosta Mejía na Tegucigalpa pa buska e trafikante di droga identifiká komo José Luis Oliva mihó konosí komo “El señor de los cielos”.
José Luis Oliva ku tin nashonalidat Nikaragwense ta keda buska tambe na e país aki debí ku ela kometé vários krímen den e país aki.
José Luis Oliva a keda detené na luna di Mei pa agentenan federal na Honduras huntu ku militarnan den un operativo ku a keda realisá na La Ceiba.
Ta trata aki di un di e kriminalnan ku no solamente tabata droga Merka pero tambe tabata trafiká ku ilegalnan pa vários parti na Texas.
José Luis Oliva lo por keda kondena na kastigu di bida largu ya ku ta sospecha ku ela laga likidá un agente di DEA na Texas tambe na aña 2011.