Trabounan lo por start kualke momento: “AnyTime” Sabana BP lo por haña su Yerba !!

Tur kos ta mustra ku lo no tarda hopi ku Sabana Ballpark lo haña su yerba artifisial pa asina aktividat di deporte lo por kontinuá riba e parke manera semper. Sabana Ballpark pa años a sirbi prinsipalmente e deporte di softball femenino fastpitch kaminda ku a hunga masha hopi kampeonato, finalnan i weganan memorabel.
E Instalashon ku a sirbi e deporte pa asina hopi aña meresidamente ta bai haña su yerba artifisial.
Informashon ku 5 Star tin, ta mustra ku e plaka pa pone e yerba a pasa, loke ta nifiká ku tin lus bèrdè pa trabou kuminsá.
E kantidat enorme di áwaseru ku a kai e último lunanan a pone ku Sabana Ballpark tabata plat, inundá pa e kantidat di áwaseru.
Di tur manera un dje sitionan históriko dje deporte di softball fastpitch lo haña pronto su yerba artifisial.