Tiroteo na Universidat di Louisiana a laga un resultado di 1 morto i dos herido

NEW ORLEANS – Chris Goodly bosero di kuerpo polisial na Louisiana a konfirmá ku ayera studiantenan na Morris Jeff High School a gradua i nan selebrashon
a tuma luga na Xavier University.
Aparentemente dos muhé mayornan di studiantenan ku tabata bai gradua tabata diskutí ku otro pa motibunan deskonosí riba parkeerplaats na Xavier University.
Chris Goodly a splika ku algu a bai kompletamente robes ku un di e mayornan aki a saka un arma di kandela i kuminsá tira.
Konsekuensia di lokual a pasa aki a pone ku un dama identifiká komo Augustine Greenwood (80) ku no tabata ni konosé e dos muhénan aki a risibí un tiru di bala den kabes i dos hòmber a resultá herida pero ku no ta den peliger pa muri.
Chris Goodley a indika ku e muhé ku a tira e keda detené.
John Bel Edwards gobernador di Louisiana a splika ku ela ordená pa kuminsá tene mas kontrol polisial na skolnan konsiderando ku tin hopi hende ta kana arma na Louisiana.
Sin duda e atministrashon di Biden mester kuminsá move pa kambia leinan debí ku tin demasiado hende loko ta kana rònt na Merka den posishon di arma di kandela.