Tiroteo den klup nokturno: Pa homoseksualnan a laga un saldo di 5 morto i 18 herido

COLORADO – Adrian Vasquez hefe di kuerpo polisial na Colorado Springs a konfirmá ku djasabra algun minüt promé ku 12’or di anochi sentral di polis a risibí yamada indikando ku tabatin bashamentu di bala den un establesimentu ku yama Club Q.
Ta konosí na Colorado Springs ku Club Q ta kaminda solamente homoseksualnan ta bishita den fin di siman debí ku tin aktividatnan di karaoke, drag shows i DJ’s ta toka.
Algu a bai kompletamente robes na momentu ku un hòmber identifiká komo Anderson Lee Aldrich (22) a drenta den e klup nokturno saka su arma di kandela i a kuminsá basha bala.
Pamela Castro a splika ku ta debí ku un bodyguard a logra kita e arma di kandela for di Anderson Lee Aldrich a kontrolá e situashon.
Komo ku asina tantu hende a risibí tiru di bala tabatin bastante ambulans pa transportá e heridonan pa hospital na Colorado Springs. Pa lokual ta Anderson Lee Aldrich a keda detené pendiente pa wes ku ta atendiendo ku e kaso aki i no a aseptá ningun fiansa pa su libertat.

Anderson Lee Aldrich