Tiroteo den dos bar na Sur Afrika a laga un saldo di 15 morto i 8 herido

JOHANNESBURG – Nonhlanhla Kubheka hefe di kuerpo polisial na Johannesburg a konfirmá ku djasabra anochi algun minüt despues di 12’or kuater hòmber arma a kana drenta den un bar i kuminsá tira di un forma indiskrimina.
Resultado di lokual a pasa aki tabatin komo konsekuensia ku 15 persona a muri i 8 a resultá herida.
E víktimanan ku tabata gosa di nan fin di siman den e klup nokturno na Soweto i ku a pèrdè nan bida tabatin entre 30 pa 45 aña di edat.
Nonhlanhla Kubheka a splika ku tin un investigashon andando pero no tin ningun perfil di e kuater asesinonan ku a kometé e masakre aki.
Esaki ta e di dos siman sigi kaba ku algu asin’aki a pasa
na Johannesburg kaminda kuater hòmber arma ta kana drenta den klup nokturno a basha bala riba hendenan di un forma indiskrimina.