Tin un rekompensa di $490 mil: Pa informashon ku por kondusí na detenshon di asesino ku a mata fiskal di Paraguay

BOGOTA – Jorge Luis Vargas direktor di kuerpo polisial na Colombia durante un rueda di prensa ayera a deklará ku nan tin imáhen i potrèt di e sospechoso ku a asesiná fiskal Marcelo Pecci na e isla di Baru Cartagena.
E kriminalnan a yega riba un jetsky na e hotel kaminda fiskal Marcelo Pecci tabata keda huntu ku su kasa i aki a tire mata i disparsé.
Pa haña koperashon outoridatnan a publiká potrèt di e asesino na televishon, retnan sosial i den medionan di komunikashon rònt Colombia.
Jorge Luis Vargas a bisa ku nan ta sigur ku lo por kaptura e asesino aki denter di poko ya ku elo no por sali for di Colombia debí ku outoridatnan tin frontera sera.
E parti mas importante den e kaso aki ta ku for di fondo di kriminalidat a pone disponibel un suma di $490 mil pa informashon di kaptura di e asesino di fiskal Marcelo Pecci ku tabata di luna de miel na Colombia.
Pa lokual ta e kasa di Marcelo Pecci a regresá Paraguay ayera nochi mes den un avion priva ku gobiernu di Colombia a pone disponibel.