Tin informashon ku mafia mexikano tambe ta buskando Iván Márquez

CARACAS – Informashon ku e servisio di inteligensia na Colombia ta disponé di dje ta ku e eks lider di FARC identifiká komo Luciano Marín, alias Iván Márquez no a fayesé den un atentado siman pasa na Venezuela.
E personahe ku a fayesé den e atentado ku eksplosivo na Venezuela aparentemente tabata Iván Merchán, alias el Loco.
E situashon ta di tal manera ku no solamente ta outoridatnan merikano i Colombiano ta buskando Luciano Marín, alias Iván Márquez sino ku tin mafia Mexicano tambe ta su tras.

Aparentemente Luciano Marín, alias Iván Márquez a resultá herida den e atentado di siman pasa pero a keda transportá pa hospital militar na Caracas.
Tin informashon ku presidente Nicolas Maduro ta brinda Luciano Marín, alias Iván Márquez protekshon militar sabiendo ku e ta un piesa importante pa su régimen.
Te ku awe agentenan di DEA i FBI ku a yega Venezuela no a haña ningun informashon si realmente Luciano Marín, alias Iván Márquez ta bibu of morto.