International
Tin indikashon ku: Trump lo bai krea su propio plataforma di ret sosial
WASHINGTON – Jason Miller un di e prinsipal asesornan di Donald Trump a konfirmá ku pronto
lo bai tende muchu mas di e eks presidente di Merka.
Esaki ta debí ku Donald Trump ta planeando pa krea
su propio plataforma di Internet sin ku ta prohibié di duna su opinion di lokual e ta pensa.
Esaki ta nifiká ku Donald Trump lo no bai tin mester mas di Twitter, Facebook, Instagram i tampoko Linked.
Jason Miller a bisa ya kaba invershonnan a keda hasi i ta premirá ku denter di tres luna Donald Trump ta bèk riba su propio plataforma di Internet.
Algu ku ta sigur di e kaso aki ta ku Donald Trump a tene reunionnan kaba di alto nivel pa kaba ku e proyekto aki denter di poko segun Jason Miller.
Miéntras ta materialisá su proyekto nobo Donald Trump lo kontinuá respaldando kandidatonan di partido Republikano.