Tin indikashon ku algun ora ku: Fiskal Marcelo Pecci i su pareha a anunsiá yegada di nan promé yu ela keda asesiná

BOGOTA – Ta parse ku fiskal Marcelo Pecci i su pareha Claudia Aguilera tabata disfrutando na playa i anunsiando nasimentu di nan promé yu.
E anunsio di nan promé yu a tuma luga dos ora promé ku e sikarionan a asesiná fiskal Marcelo Pecci.
Claudia Aguilera a notifiká Marcelo Pecci ku e ta na estado i huntu nan a subi nan Facebook pa informá nan amistatnan i familiarnan di e bon notisia.
Ta parse ku e dos sikarionan ku a yega riba un Sea Doo a keda informá pa un persona ku ta hospedá na e hotel Decameron ku Marcelo Pecci tabata huntu ku su pareha ta kana kantu di laman.
E sikarionan a baha i kana bai stret riba Marcelo Pecci i los vários tiru den kabes i asina bati retirada.
E kaso di homisidio aki a konmoshona e pueblo na Paraguay i Colombia kaminda outoridatnan polisial di ámbos pais huntu ku funshonarionan merikano ta trata
na detené i solushoná e kaso aki.
Marcelo Pecci tabata un di e fiskalnan mas renombrá na Paraguay i ku tin hendenan influyente na e pais aki garantisá tabata buskando pa asesine.