“Test bo mes y stop e transmision” Pronto Covid-19 ‘self test’ lo ta posibel na Aruba tambe

ORANJESTAD-Dentro di algun siman na diferente Botica na Aruba, comunidad lo por cumpra un Covid-19 ‘self test’ of ‘thuitest’y haci nan propio Covid-19 test den confortabilidad di nan cas. Recientemente DVG hunto cu IVA a yega na un consenso riba loke ta exigencianan cu e ‘thuistest’ mester cumpli cu ne p’e por wordo permiti y uza na Aruba. Despues di a delinea e criterianan, awor ta sigui e proceso unda boticanan (via IVA) por cuminsa cu e proceso di importacion di e testnan.