Tesla a entrega fábrika di Pepsi na Nevada tres trùk di koriente

DETROIT- Elon Musk por ta orguyoso di por a yega asina leu ku Tesla ya ku awor ta fábrika trùk di karga di koriente i ku tin míles di pedido pa entrega. E promé multinashonal na Merka ku a kumpra trùk di karga di koriente marka Tesla tabata Pepsi Cola.
Den e kaso aki Elon Musk mes a kore un di e tres trùknan aki hiba pa e fábrika di Pepsi Cola na Nevada.
Elon Musk a deklará ku Frito Lay i Pepsi ta huntu i ku Tesla lo tin ku entrega nan pa kuminsá 100 trùk di karga di koriente pa e próksimo lunanan benidero.
Den e kaso aki Tesla tin su propio kompania di finansiamentu tantu pa partikular i empresanan manera Pepsi Cola i Frito Lay.
Ta trata aki di un kontrato lukrativo di $15 mion ku Tesla lo bai finansiá trùknan di koriente na Pepsi Cola i Frito Lay.
Otro multinashonalnan ku a kumpra trùknan di koriente serka Tesla ta California Air Resources Board, Walmart, supermerkadonan Cash and Carry i Publix.
Tesla tin planeá pa subi su produkshon di trùk di koriente entre 2023/2024 na 50 mil.