Teroristanan di Estado Islámiko a rementá 3 patruya kousando morto di 10 agente polisial

BAGDAD – Ayera den oranan trempan di mainta un grupo di hòmber ku ta pertenesé na e organisashon di yihadista Estado Islámiko a kometé un atake terorista riba tres patruya ku tabata dirigiendo pa Kirkuk.
Koronèl Husein al Obeidi hefe di polis na Kirkuk a bisa ku konsekuensia di e atake terorista aki ta ku 10 agente polisial a bin pèrdè nan bida.
Testigunan ku a presensia lokual a pasa a informá polis ku e teroristanan a lansa proyektil riba e 3 patruyanan ku tabata kore tras di otro.
Na ningun momentu so e agentenan tabatin chèns pa por a baha for di nan vehíkulonan pa sikiera trata na defendé nan mes.
Pa algun ratu kaba e teroristanan di Estado Islámiko ta buskando forma pa haña parti di e teritorio di Kirkuk
pero debí ku tin basenan militar instalá i un sentral di polis esaki lo bira difísil.
Ounke ku tin un grupo grandi di terorista di Estado Islámiko ku a keda likidá tòg tin algun ku ta sigi pretendé i ta keda aktivo na Irak.