Tene kuenta ku Belasting ta deskontá Penshun di Behes Kòrsou fo’i Bijstand

WILLEMSTAD. Un YDK bibá na Ulanda pero ku ta kobra Penshun di Behes na Kòrsou tambe – loke ta su derecho – ounke gobiernu a kuminsa apliká un deskuento di 20%, a hañé ku e sorpresa desagradabel ora ku amtenarnan di Sociale Zaken na Rotterdam a deskonta 2000 Euro for di su Bijstand. E señora na 2019 a kobra ‘toetje’ èkstra di duurtoeslag di € 1.189,- i € 886,- huurtoeslag ku ela haña di más.
Ela haña plaka aki den forma di vorskot pero ora nan a fiha e belasting definitivo nan a konstatá ku e tabatin un entrada anual di € 15.807,- pero en realidat ela haña 19.181,-.
Belastingdienst a pone su apelashon un banda pasobra ta Inspektor tin ultimo palabra pa fiha riba kuantu entrada e tin ku paga belasting.
Den apelashon e señora a sigi insisti ku den 2019 su entrada tabata e suma di Bijstand i 2000 Euro Penshun di Behes di Kòrsou.
Komo ku den promé instansia nan a konta ku su entrada anual tabata € 19.181,- pero efektivamente e tabata menos, pasobra nan a baha e suma di Bijstand.
Enfin e amtenarnan di Belastingdienst a hasi nan abakadabra i a konfirma ku ta riba e suma di mas haltu e tin ku paga belasting…. ku forsa retroaktivo.