Internashonal
Tedros Ghebreyesus reeligí pa sigi: Dirigí World Health Organization pa un periodo di 5 aña mas
GENEVE – Ayera miembronan di WHO (World Health Organization) a bolbe skohe dòkter Tedros Adhanom Ghebreyesus komo direktor general pa otro 5 aña mas pa asina e por dirigí e organisashon importante aki.
Mester bisa ku Tedros Adhanom Ghebreyesus tabata e úniko kandidato pa e posishon ku a risibí 155 voto na fabor i 5 kontra di un total di 160 miembro ku por a vota.
Dòkter Karl Lauterbach minister enkargá ku e kartera di Salubridat na Alemania a bisa ku ayera tabata un dia grandi ku miembronan di World Health Organization ku a sa di skohe e kandidato perfekto pa sigi na kabes di e organisashon importante aki.
Despues ku Tedros Adhanom Ghebreyesus a keda reeligí ela gradisí tur e miembronan indikando ku e tin e kapasidat i tin muchu mas eksperensia pa sigi na kabes di World Health Organization.