Tareck El Aissami a reuní ayera ku presidente di Chevron na Venezuela

CARACAS – Tareck El Aissami Minister enkargá ku e kartera di Petrolio a reuní ayera ku Javier La Rosa presidente di Chevron na Venezuela.
E reunion a tuma luga despues ku Departamento di Tesoro na Merka a duna nan bendishon pa kita sanshonnan for di Venezuela.
Javier La Rosa ku a yega Venezuela ayera for di Houston a indika ku lokual ta bai pasa awor ta grandi tantu pa Venezuela komo Merka.
Chevron ta bai kumpli 100 aña trahando komo kontratista petrolero na Venezuela i produsiendo produktonan di kalidat pa suministro pa merkado na Merka.
Tareck El Aissami i Javier La Rosa a firma vários kontrato kaminda huntu PDVSA i Chevron lo bai kuminsá ku produkshon petrolero despues di a risibí lus bèrdè di atministrashon di Joe Biden.
E informashon aki a pone ku ya kaba preis di krudo a kuminsá baha i ku ta spera ku denter di poko lo por stabilisá yega na bou di $50 pa bari.
E forma kon e akuerdo aki lo bai ta ku PDVSA lo bende Chevron produktonan petrolero i risibí nan pago mesora miéntras ku lokual e kompania merikano gana lo no keda repartí.