Ta parti sèn di supsidio den famia !

WILLEMSTAD – Den e periodo ku parlamentario Elvin Gerard (PNP) ta den funshon – kasi 1 ana- un kantidat grandi di hende ku ta forma parti di fundashonnan ta aserke pa yudansa. Den deklarashon ku Gerard a hasi e ta menshona ku trahadonan di e fundashonnan mes a informe ku mayoria dje fundashonnan ta parti sen den famia.
‘Tin kaso kaminda ku e sèn ta bai pa un persona ku e mes ta hasi tur kos, duna lès, kushiná i kumpra outo nobo pa yu, pero e sèn no ta bai kaminda e mester bai’.
Ta e trahadonan mes ku no ta risibi pago fin di luna ta konstata e kosnan aki , segun e parlamentario. ‘’Anto e pruebanan aki nos tin nan i ministernan tambe tin nan’’, ta palabranan di Gerard. Ta pesei mester kuminsa atende e asuntunan aki i investiga kon ta usa e sèn di supsidio, ku ta plaka di e pagadó di belasting .
Gerard a anunsia ku djaluna awor e tin reunion ku dos trahado, relashona ku un otro kaso di froude na un instansia. E politiko no ke divulga ainda ta di kua instansia ta trata, pero si ela indika ku e trahadonan a aserka varios instansia sin eksito. Ora ku e ta dispone di tur e informashonnan, e politiko ta priminti di aserka e instansia konserni i duna mas informashon na e ministerio konserni i tambe na publiko.