Ta ofisial na El Salvador: Asamblea Legislativo a aprobá bitcoin komo moneda di kurso legal

SAN SALVADOR – Asamblea Legislativo na El Salvador ku ta keda kontrolá pa e partido “Nuevas Ideas” di presidente Nayib Bukele a logra aprobá e Lei di Bitcoin.
E lei ku Asamblea Legislativo aki a aprobá aki den un mayoria ta pone ku El Salvador ta bira e promé pais riba e planeta aki ku ta bai usa e criptomoneda di bitcoin komo un kurso legal di pago..
Nayib Bukele a splika ku e tipo di kambio entre bitcoin i dòler lo keda establesé pa e merkado.
Tur preis riba e produktonan ku ta keda bende den kualkier tipo di negoshi mester keda señalá na bitcoin i na dòler.
E lei Bitcoin lo drenta na vigor 90 dia despues ku esaki keda publiká pa e atministrashon di Nayib Bukele.
Nayib Bukele a bisa ku e ophetivo di uso di bitcoin komo sistema di pago ta pa impulsa e kresementu ekonómiko na El Salvador ku lo bai tin sero riesgo di froude i ku oportunidat pa por bai krea míles di kuponan di trabou.