Ta “Apartheid” ta bai krea pa kombati Pandemia di Covid?

WILLEMSTAD. Na diferente parti di mundu a resultá ku sifranan ta demostrá ku hendenan ku a bakuná ta muriendo a konsekuensia di ataka di kurason, blokeo di sanger den ader i diferente otro motibunan mas: e ke sa si señor Pisas ta na altura di esaki.
I si e minister a intruí e tim di COVID-19/Pandemia pa investigá i/òf kompilá informashon relashoná ku esaki na Kòrsou i investigá esakinan ku otro paisnan na diferente parti di mundu ku no ta Hulanda so.
E ke sa si e minister ta dispuesto pa laga hasi e investigashon aki.
Otro pregunta: Sr. Minister a tuma nota di “The vaccine death report” i akaso Minister su tim a informé di esaki i ki enseñansa Minister i su tim a saka for di esaki.
Durante su rueda di prensa resien señor Pisas a bisa ku ta kuestion di tempu pa e tuma mas medida:
1. Kua medida mas sr. Minister ta bai tuma?
2. Akaso, obligá amtenarnan bakuná ta un di e medida nan?
3. Hasi bida di esnan ku no a bakuná imposibel ku e medidanan aki?
4. Pone ku esnan ku no a bakuná no por drenta supermerkado, tienda, restorant, bar, gym ta parti di e medida nan aki?
5. Pone nos bai bèk den tempu di “apartheid” ta e medidanan ku lo bai bini?