SVB ta paga klinika sikiatriko religiosamente pa kuido di pashèntnan

WILLEMSTAD. Luna pasá e uniko klinika sikiatriko na Kòrsou a hasi kuenta ku SVB/Ontvanger a rason di 9.5 mion florin na prima ku nan no a paga.
Kurioso dje kaso ta ku tantu SVB, Ontvanger komo e klinika ta órganonan di gobiernu pero kada un tin nan tarea spesifiko riba nan tereno.
SVB ta paga e klinika pa su pashèntnan via Ontvanger ku Inspektor di Belasting intermedio i SVB ta paga e klinika pa trata e pashèntnan. E klinika for di aña 2014 no a paga prima sosial te ku e debe na Ontvanger a yega te 9.5 mion florin pasobra gerensia dje klinika ta argumentá ku ela haña e aanslagnan di impuesto fin di mart di 2020.
Inspektor di Belasting no por a proba ku ela manda e aanslagnan na tempu. esei ta pone ku e tèrmino di apelashon ta kuminsa riba dia ku ela haña e aanslagnan ku ta fin di mart 2020 i gerente dje klinika a haña rosea te fin di mei 2020.
Sinembargo e klinika no a entrega e aangiftenan na tempu pero dos luna mas lat.

A NEGOSHA
E DEBE

Na 2019 Inspektor a manda kobra e klinika komo 9.5 mion florin pero nan a reklama i e kaso a bai korte pa veredikto.
Wes a duna ambos banda tempu pa proba ku a) nan a manda e aanslagnan na tempu i b) ku e klinika a risibi nan.
Foi prinsipio tabata opvio ku e klinika no por paga e kasi 10 mkion florin i nan a yega na jun areglo ku SVB/Ontvanger ku na lugá di SVB oa e Klinika, nan ta deskonta e plaka for di e debe.
Komo prueba di buena fe SVB a hasta pordoná nan NAf 494.621.68.
Kurioso ta ku e Klinika tdabata kompletamente fout of no tabata den kondishon pa ni registrá loke nan mester a paga ni e prima di Penshun di Behes i Seguro kokntra Malesa.
Di otro banda Inspektor tampoko por a proba ku ela manda e e aanslagnan na tempu pero su kaso tabata mas fuerte.
Dia 9 di yanuari wes a dikta veredikto i a rechasá e reklamonan dje Klinika ku awor mester buska manera pa paga esun mion i otro aanslagnan di 2014 tambe.