SVB lo paga penshonadonan ku ta biba riba e otro islanan

Basta nan a paga prima na èks Antia……

KRALENDIJK. Despues ku promé instansia SVB-Kòrsou a duna di konosé por eskrito ku nan lo no kumpli ku e veredikto di Korte di Hustisia di dia 1 di mart 2021, dia 16 y 17 di yüni a anunsiá ku nan lo kumpli tòg. Tur penshonado na Boneiru, SXM, Saba y Statia lo haña nan sèn bèk ku forsa retro-aktivo te 2016/2017. Esei ta tantu e parti ku a ser retené (10%) for di yanüari 2017 komo e kerstbonus anual for di 2016.
SVB a primintí por eskrito di lo manda un karta personal na tur esnan ku ta kai den e kategoria deskribí den e veredikto.
E penshonadonan ta apresiá ku SVB-Kòrsou a kambia di idea i a indiká ku nan lo kumpli pero ku lo dura poko pa paga pero lo manda e karta na tur esnan ku ta bin na remarke.
Wèl e asosashon ta pidi pa keda alerta i si kualke penshonado ta kere ku e ta bin na remarke i no ta haña niun karta, tuma kontakto ku e asosashon pa nan chèk si en bèrdat e persona ta bin na remarke i si ta asina, nan lo tuma kontakto ku SVB.
Es ta bin na remarke ta:
1) si e tabata biba na Antia di 5 promé ku 2010,
2) si e tabata biba na ex-Antia di 5 dia 29 di yüli 2016 i
3) si e ta biba ketu bai sea na Boneiru, SXM, Saba òf Statia.
Pues, tin lus na final di e tùnel. Pa splika un k’e otro Asosashon VAC lo reuní na Sala Imelda tras di Misa di Coromoto na Antriol dia 25 di yüni pa 19.00’or. Tur penshonado ta bon biní ne reunion na sala Imelda tras di misa Coromoto.