Surinam Airways (SLM) a logra alkilá un avion moderno Boeing 737-800

PARAMARIBO – Surinam Airways (SLM) a logra alkilá un avion moderno Boeing 737-800 pa bula e rutanan ku nan mester a bandoná den nos region pasobra kada bes doñonan di avion tabata tuma nan avion bèk pasobra SLM no por a paga.
SLM por mira atras riba un dékada historikamente malu kaminda problema finansiereo, interferensia politiko i mal maneho a paralisá e kompania varios biaha. SLM a logra alkilá un otro avion serka AerCap. E avion ta na Arizona kaminda nan ta inspekshonando e avion i ta buelo di prueba pa ta sigur ku e por pasa pruebanan di Departamento di Aviashon na Surnam. E Boeing 737-800 a haña kolónan nobo ku bandera di Surnam pintá riba e ekstenshon di ala, e asina yamá ‘winglet’.
Ultimo avion ku SLM a alkilá tabata un Boeing 777 pero a bula solamenete un dozein si biaha kune.
E avion ku nan ta preparando na Arizona ta pa bula e ruta pa Miami awor ku American Airlines a retirá for di e ruta. Buelonan pa Ulanda ta tuma luga ku un Airbus A330 di Airhub Airlines ku tabata di KLM.