Subida pika di tarifa: Atministrativo pa hendennan ku tin kuenta na Girobank

Willemstad/Philipsburg – Entrante 1 òktober 2022, Girobank N.V. (Girobank) ta subi e tarifa atministrativo mensual te na NAf 26,50 pa kuentanan na florin antiano i USD pa kuentanan na dòler merikano.
Alabes Girobank lo kobra un tarifa di depósito di NAf 15,90 pa luna (USD 15,90 pa kuentanan na dòler merikano.
Esaki ta nifiká ku doñonan di kuenta lo mester paga NAf 42,40 (of USD 42,40) mensual pa tene nan fondonan riba nan kuenta di Girobank.
Apesar di vários supliká di parti di Girobank na e klientenan pa sera nan kuenta, ainda tin un kantidat signifikante di klientenan ku fondo riba nan kuenta.
Konsekuentemente, Girobank tin gastunan èkstra pa tene e fondonan disponibel pa e depositantenan.
Girobank ta urgi tur doñonan di kuenta un bes mas pa hasi e trámitenan nesesario pa sera nan kuenta. Klientenan por akudí na e brènch di Janwé di djaluna pa djabièrnè entre 08:00 i 12:00 or.
Pa mas informashon por tuma kontakto ku Girobank pa medio di telefòn +599 9 433 9130 òf mail na info@gironet.com.