Deporte
Su lema ta: Rèspèt, Disiplina i Aktitut: Anthony Cijntje ku gran trabou pa liga Pabou…
• Deporte 5 Star a kombersá den e dianan ku a pasa ku algun hende basta serka di baseball Little League Liga Pabou.
I loke nos a komprondé ta, ku e aña aki Liga Pabou a buska yudansa di Sr. Anthony Cijntje ku a yuda nan selekshonnan ku e parti físiko i huntu kuné tambe e parti mental.
Anthony Cijntje su lema ta: Rèspèt, Disiplina i Aktitut. E hendenan ku 5 Star a kombersá kuné ta konsiderá Sr. Anthony Cijntje e “Arma Sekreto” i Yabi pa éksito di Liga Pabou. Anthony huntu ku kondishon físika a hinka rèspèt, disiplina i aktitut korekto den e hóbennan di Liga Pabou.
5 Star naturalmente ta stima di tende e kosnan aki, i sigur si ta trata di rèspèt, disiplina i aktitut ku ta base pa éksito den deporte i den bida.