Stichting Kitten Rescue Curacao ta organisá tres kampaña di sterilisashon pa pushi

WILLEMSTAD. Den e delaster tres lunanan di e aña aki, siguiendo riba un rumbo ku a kuminsá ku e kampaña grandi di mart 2021, e fundashon ta bini ku tres proyekto mas ku e meta pa sòru ku e kantidat di pushi ku ta riba kaya, sin doño, ta baha.
E sufrimentu di e pushinan ku ta zwerf ta duel e fundashon kaminda nan ta haña hopi yu i tin bia nan ta keda pega ku malesanan kontagioso ku por wòrdu prevení.
E fundashon ta traha huntu ku diferente veterinarionan di Hulanda ku na turno ta bishita Kòrsou den òktober, Novèmber i Desèmber binidero. E veterinarionan ta kooperá sin pago pa baha e kantidat di pushi ku tin ku sobreviví sin kas.
Meta di e fundashon ta pa sterilisá i bakuna 500 pushi prome ku e aña sera.
E prome kampaña ta kuminsá dia 19 di òktober serka e fundashon mes, na Banda Bou. Si bo no tin e medidanan finansiero pa sterilisá bo pushi bo por aserka e fundashon pa ku e operashon via di e-mail: info@kittenrescuecuracao. com.
Banda di e posibilidat aki e fundashon lo bai buska i kaptura pushi ku ta zwerf, bakuna i operá nan i pone nan bek kaminda nan tabata ta.