Sta. Rosa Indians i Scorpions a split…

E timnan di Sta. Rosa Indians i Royal Scorpions a split nan programa dobel di fin di siman. E tim Indjan a gana e promé wega djasabra ku skor di 5-4 i ayera Royal Scorpions a bini bek pa gana 10-9. Temesh Lourens a habri pa Scorpions ayera, e la tira 6 inning, permití 7 hit i 4 kareda.
A sigui Soleano ku a tuma 5 kareda den 1.1 di inning.

Tabata Jadon Gosepa ku a gana pa Scorpions tirando 1.2 di inning sin duna kareda.
Alex Henrietta a bati di 3-2 ku 3 kareda empuha.
Edinho Meyer di 4-2, ku 2 RBI.
Rochendrik Alexander a bai di 5-2, ku 3 empuhá pa Sta. Rosa Indians.
Den e wega di djasabra Carlton Daal a bai di 5-4, ku 2 kareda.

Siamani Boekhoudt a tira 6.1 di inning, permití 1 kareda limpi. Hershelon Juliana a salba e wega.

Edinho Meyer a bati homerun pa Royal Scorpions den kousa perdi.