Sra. “Nitika” Manuela, presidente di CLLS: “Si no traha ku mucha, ariba no tin nada”…

E máksimo dirigente di CCLS ku ta Liga Soraida Juliana ku ta e liga di sòftbòl Little League pa mucha muhé si nos dirigentenan di sòftbòl no traha ku mucha, ariba, esta e sòftbòl prinsipal no tin nada.

Mas ku 90 % di tur nos sòftbolistanan ku ta hunga den doble A o klase A ta sòftbolistanan ku a kuminsá den Liga Soraida Juliana.

Tin posibilidat pa mucha muhé por kuminsá hunga sòftbòl for di 5-6 aña den Liga-T-Ball ku ta “Liga Cascarita” Leonora.

Sra. “Nitika” Manuela ku tin 2 aña na kabes di nos sòftbòl Little League tin hopi entusiasmo.

Ta su deseo pa tur organisashon di sòftbòl traha riba “mucha” di manera ku por tin sòftbolista pa nos divishon máksimo.

E ta pensa ku mester bai skol, trata di haña mucha i traha ku nan.

Tambe tin di buska “coach” pa yuda nos muchanan.

“Nos no por keda para ketu sin hasi nada, si nos no hasi nada abou, ariba lo no tin nada”, e dirigente a deklará.