Sr. Nelson Maria, hòmber di sèn di nos deporte: “Sektor priva tin di kontribuí ku deporte”…

Sr. Nelson Maria, tesorero di FDOK i hòmber di mil’kampaña den deporte den e trabou finansiero ta rekonosé ku deporte ta sklama pa ayudo finansiero.

E ta bisa ku gobièrnu so no por.

FDOK a entrega nan supsidio na gobièrnu, i gobièrnu a kumpli ku un kuarta parti.

Ta p’esei mes e máksimo identidat deportivo ta den lucha pa mira kon ta hasi yega na fondo, paso sin fondo ta masha difísil pa atendé ku deporte. Sr. Maria tin un eksperensia inkreibel pa loke ta e parti finansiero.

No na Kòrsou so, e la biaha rònt mundu asistiendo na masha hopi kongreso di FIFA, i por papia ku outoridat riba asuntu di sèn.

E ta konvensí ku e salbashon pa deporte ta, si sektor priva kontribuí ku deporte. Gobièrnu so no por.

Nelson Maria ku huntu ku Kenneth Gijsbertha a haña distinshon di baluarte di e bario Sta. Maria ta spera tambe ku mas hende hóben ta bin traha den deporte.

“Nos mester di sosten di mas hende hóben pa bin karga deporte”, e la bisa ayera den kombersashon den “Cuando, Yo, Era Yo”.

Sektor Priva tin di yuda, paso deporte ta bon pa nos Pais, e la agregá. Nelson a splika ayera ku el a lanta den e bario di Juan Hato, serka banda dje tereno di futbòl di Vesta.