Sr. Fabien Daou, kurason di Centro Dominguito: “Nos ta bai traha un bon tim sigur”..

Sr. Fabien Daou ku ta e “kurason” di e organisashon di Centro Dominguito tin konfiansa ku nan lo traha un bon tim pa temporada benidero.

E la bisa ku nan tin mas ku 20 futbolista ta train ku hopi animo.

Fuera di esei nan lo trese algun futbolista di estranheria pa hasi try-out tambe.

Esei kisas lo sosodé otro siman.

Fabien a mustra ku tin tempu, paso ainda no tin nada konkreto pa loke ta komienso di temporada.

Pa loke ta e asuntu di kontrakt o no kontrakt di Calvenhoven i Bernardus, e dirigente a bisa ku nan posishon a keda meskos. Esei ta ku nan tin kontrakt ku Centro Dominguito.