Sr. Carlos Ruiter, eks dirigente di Little League: “Little League a bira bagamunderia”…

Sr. Carlos Ruiter tabata realmente rabia despues ku e la tende ku pa drenta i mira wega di Little League na Punta Cana bo mester a paga un pakete kaminda bo tin estadia den e hotèl luhoso di Punta Cana, “Impressive”.

Ruiter no por a kere loke e la tende serka nos, esta ku pa drenta wega bo mester a kumpra e pakete dje hotèl luhoso.
E ta bisa ku Little League a bira un bagamunderia kaminda ku ta hasi negoshi ku Little League. “Ami tabata boluntario pa hopi aña, trahando den bar pòrnada, bayendo afó ku mucha ku tabata keda na kas di hende.

Un Little League kaminda e mucha ku no tabata hunga dje bon ei tambe por a partisipá i pasa un hubentut dushi. Little League a bira komersial kaminda ta wak plaka. Kòrsou no mester a bai Punta Cana.

Nos mester a ninga di partisipá na e negoshi ei”, e ta remarka.

Little League a bira un wega di firma hungadó, di interes.

“Mihó nos para Little League i laga “coachnan” tur traha nan Akademia i buska interes, e ta bisa.

Little League ta algu bunita, ku un filosofia úniko.
“Ta un bèrgwensa manera ku ta hasiendo e kosnan den Little League, paso e mucha yu di un hende ménos pudiente no por partisipá.
Su mayor no por bai mira wega.

E mayor mester keda den un hotèl di luho. Mi ta hopi rabia. E kosnan aki ta inaseptabel pa usa un ekspreshon di Lando Chirino mes”, e la agregá.