Spesialista no por kobra SVB sin registra na CMC

WILLEMSTAD. Un spesialista lokal di pulmon a haña ‘nul op het rekest’ ora ku den un disputa ku SVB nan a someté e disputa na un honorabel eksperto di lei pa duna su interpretashon sabio i eksperto riba esensia dje konflikto pero hasta e honorabel sabio a manda e kaso bèk pa e partidonan envolvi pasobra duna opinion riba e kaso a kai fuera di su kompetensia sientifiko.
Es ku ta trata di un kaso kaminda tin areglo sivil kon ta manehá asuntu di pashèntnan ku ta haña tratamentu mediko pa pulmon i no ta un kaso ku aspektonan legal.
E spesialista di pulmon a kontrata abogado Muray i SVB a manda su huristanan di kas ku ta dominá e materia den persona di abogadonan K.A. Martis i N. Dare kendenan ta traha na SVB.
Ta’asina ku for di oktober di 2018 SVB a duna e spesialista di pulmon un atvertensia ku e tin ku entrega un karta ku ta proba ku e por traha den hospital.
Komo ku spesialista no a produsi e karta, SVB a manda un atvertensia pasobra ela faya di kumpli ku e instrukshon ku ta stipulá ku e mag traha den hospital. E spesialista a apelá e desishon di SVB riba kual SVB a manda e karta pa e hurista magnificus kende a manda kontesta mesora ku no ta kompetente pa trata e tema i lo manda e karta pa Korte pa nan traha manera un dekreto legal.
Yuli aña pasá SVB a bolbe manda karta di atvertensia pe spesialista
pasobra e no ke of no por produsi e prueba ku e por traha den hospital.
Summa summarum Korte di Hustisia di nos pais a manda e karta pa e instansia huridiko mas haltu na Ulanda
Akuerdo sivil ta bisa ku si un kolaborado komo spesialista no ta kumpli ku tur palabrashon di kalidat, e spesialista primeramente ta haña un artvertensia i chèns pa pasa a prueba.
Si ainda e ninga di kumpli nan ta baha su salario i finalmente nan ta skrap e for di registro di kolaboradornan.
Finalmente e tribunal a dikta ku SVB tabatin rason i ku proksimo biaha ku e spesialista ninga di registra, no ta skòrs pero no ta page tampoko.
I finalmente e tribunal a laba su man pa tuma un desishon pasobra no ta un kaso legal sino un akuerdo sivil.