Souax Gil Sports a gana 2 wega i bira kampion hubenil

WILLEMSTAD (C) – E ekipo di Souax Gill Sports kende djasabra a pèrdè e promé wega ayera a bin por la goma pa gana 2 wega pa titulá kampion.
E ekipo di Souax a bolbe pone J’Dah Girigori riba montikulo e promé wega di ayera tardi.
E promé wega ku a kuminsá 3’ or nan a sa di gana.
E picheo sigur a yuda i no papia mes di e bateo di Gabriela Verkerk kende a bati di 4-2.
Souax a gana e promé wega di ayera pa empatá e serie ora ku nan a gana ku skor di 7-3.
Den e di dos wega e ekipo di Souax a bolbe gana ku mesun skor.
E ekipo di Pichingolo a kometé algun eror kual a kosta nan sigur e wega aki.
J’Dah Girigori a bin fuerte pa bolbe gana i porsierto ela resultá e MVP di e play off final aki.
Ela picha tur 3 partido kaminda ela gana 2 i pèrdè un wega.
Sigur e kuadro di e ekipo di Souax a lusi super bon den e weganan aki.
Un pabien na e ekipo kompleto di Souax Gill Sports ku nan titulo hubenil.