Sorteonan di Aqualectra pa kubri gastu di koriente, awa of komestibel

WILLEMSTAD. Kada un di e tres sorteonan lo konsistí di dies premio den forma di krédito pa kubri gastunan di sea koriente, awa òf komestibel. Ganadónan tin e libertat pa skohe individualmente na kiko ta deseá di uza e montante di premiashon. E premio mayó di kada sorteo ta na balor di ANG 500.
Por lo demas, lo tin tres premio di ANG 350, dos premio di ANG 250 i kuater premio di ANG 100 pa kada sorteo. Personanan ku gana lo no forma parti di e siguiente sorteonan di e kampaña.
Personanan ku no gana lo sigui forma parti di e siguiente sorteonan outomátikamente.
Pues mas trempan un kliente suskribí na MiKuenta òf ‘update’ su informashon personal, mas chèns e tin pa gana.
Por bishitá e portal di MiKuenta via mikuenta.aqualectra.com. Fechanan di sorteo lo keda anunsiá próksimamente. Aqualectra ta invitá tur kliente pa forma parti di e movementu di Mi Aqualectra Digital i asina disfrutá di e benefisionan ku e diferente solushonnan digital lo brinda.
Di e forma aki Aqualectra ta trahando duru pa sigui Krea bo Aqualectra.