Sokudi a hasi entrega di sertifikado kurso di Diabétiko

Djárason anochi organisashon Sokudi a hasi entrega di sertifikado na personanan ku a partisipá na e kurso di “ Diabetes Educatie”.
Sokudi ku ta para pa : Sosiedat Kurasoleño di Diabétis, ta organisá tur luna un kurso di 6 lès den kual partisipantenan ta haña hopi informashon over di e malu di suku I tambe kon por preferí pa bo por haña suku. E kurso aki no ta solamente pa hende ku ta sufri di Diabétis pero tambe pa personanan ku ke ta informá, pa nan sa na tempu kiko ta e síntoma ku por kondusí na e malesa di diabetes.

     
E kurso aki sigur ta bale la pena i sigur ta rekomendá pa tur hende. Dor di Covid e kurso mester a para un ratu pero e siman aki a kaba ku e kurso i Djárason anochi a hasi entrega di e sertifikadonan.
E kurso tabata na enkargo di Sr. Darrell Obispo kende ta traha na CMC i ta Diabétis verpleegkundige. Tambe un dietista i un Podoterapeut a bin duna informashon kon bo tin ku kome balansa i kon bo tin ku kuida bo pianan.

E siguiente kurso ta kuminsá djaluna di 14 di yüni i por inskribí via di Sokudi na telefòn 888 8844

Riba e potrètnan por mira entrega di e sertifikadonan dor di Presidente di Sokudi sra. Flora Jacobus