Skandal na Fransia: Minister di gabinete di Emmanuel Macron akusá di violá dos muhé

PARIS –Emmanuel Macron a gana elekshon presidensial dia 24 di aprel último i tin apénas algun siman ku ela nombra su ministernan nobo. Ta trata aki di un total di 14 minister muhé i 14 minister hòmber ku lo bai forma parti di su gobiernu.
Den e kaso aki prome ku e gobiernu nobo aki kuminsá funshoná a sali dos hende muhé ku a akusá Damien Abad un di Emmanuel Macron su minister komo violador.
Un di e muhénan a akusá Damien Abad di a viol’é na 2010 i un otro a akus’é di a drogé i despues violè den un kamber di hotel na 2017. Damien Abad a deklará ku e ta inosente di lokual e ta keda akusá i ku ta laga pa ministerio públiko investigá e kaso aki. Emmanuel Macron na su turno a deklará ku ela reuní kaba ku Damien Abad i tin konfiansa ku e no a kometé e krímen ku e dos muhénan aki ta akus’é di dje.