Situashon ta saliendo for di man: Debí ku un militante di Bolsonaro a asesiná dos simpatisadó di Lula

SAO PAOLO – Ayera durante un fiesta di kumpleaño na un residensia na e suidat di Foz de Iguaçu tabatin diskushon bastante fuerte entre un militante di partido di Bolsonaro i dos militante di partido di Lula.
E diskushon tabata relashoná ken lo ta mihó presidente pa Brazil durante próksimo kuater añanan benidero.
Segun testigunan ku tabata na e fiesta di kumpleaño tur hende tabata pasando bon debí ku tabatin bastante alkohòl, kuminda i músika.
Na dado momentu den oranan di mardugá e persona ku a kumpli 50 aña a kuminsá diskutí ku un invitado ku Lula lo ta mihó presidente pa Brazil.
Marcelo Arruda ku tabata traha komo bewaker fanátiko di Bolsonaro a kuminsá menasa Jose da Rocha Guaranho i su ruman Da Rocha Guaranho ku tabata militantenan di
e partido di Lula.
E diskushon a kaba ku Marcelo Arruda a saka su arma di kandela i tira Jose da Rocha Guaranho i Da Rocha Guaranho mata den fiesta di kumpleaño.