Sint Maarten a registrá promé asesinato di aña

PHILIPSBURG. Pais Sint Maarten definitivamente no a drenta aña nobo ku bon pia ora ku e notisia mas impaktante tabata ku un mucha muhé di 18 aña a puñalá un rival di 13 aña mata markando asina un rekòrt tristu riba tereno di kriminalidat.
E insidente a sosodé djasabra dia promé di yanuari riba L.B. Scott Road den besindario di un parke deportivo.
Sentral di polis a haña un yamada dje insidente i ora e patruya i paramedikonan a yega ne sitio ya no tabatin skapatorio pasobra e tabata sangra profusamente i su señal di bida tabata debil.
Rapidamente a transporté pa hospital kaminda ela bin fayesé.
E bosero polisial Josepha a splika ku tur loke nan sa ta ku e dos mucha muhénan tabata parti di un grupo di amigu ku a bai reuni ne sitio.
Mas Informashon e bosero polisial Josepha no por a duna.