Sinku miembro di partido PKK a muri den atake di dron na Iran

TEHERAN – General Abolfazl Shekarchi di armada Iraní a konfirmá ku ayera un avion no tripulá (dron) a ataka un vehíkulo ku tabata moviendo riba karetera na Mosul i Degla.
Konsekuensia di e atake ku Dron aki tin komo konsekuensia ku un total di 5 persona a bin pèrdè nan bida.
Aparentemente tabata trata aki di kuater hòmber i 1 muhé miembronan ku ta pertenesé na e partido PKK (Partiya Karkerên Kurdistan).
General Abolfazl Shekarchi a bisa ku e gobiernu di presidente Recep Tayyip Erdoðan ta konsiderá e miembronan di partido PKK komo teroristanan ku a trata na bahe for di poder den un gòlpi di estado dia 15 di Yüli di aña 2016.
No ta promé biaha ku ehérsito di Turkia ta spioná i ataka supuesto teroristanan di partido PKK riba teritorio Iraní.
Recep Tayyip Erdoðan ta un presidente vengativo ku ta buska manera pa likidá delaster un di e miembronan di partido PKK pa lokual nan a trata na hasi kuné na 2016.