Internashonal
Sinku kachó a mata empleado di servisio Postal na Miami
GAINESVILLE – Tony Jones direktor di kuerpo polisial na Gainesville a konfirmá ku tabatin un kaso lamentabel registrá kaminda un empleado di Servisio Postal a keda malamente morde pa sinku kachó.
Tin indikashon ku ta trata di un hende muhé identifiká komo Pamela Jane Rock (61) ku tin años ta laborá pa US Postal Services.
Lokual a pasa ta ku US Postal Services a bai entrega un pakete na un residensia ku ta keda na Interlachen Lake Estates.
Na momentu ku e empleado aki tabata dirigiendo bek na su vehíkulo sinku kachó a sali kore su tras.
Tony Jones a bisa ku lokual e kachónan aki a hasi ku Pamela Jane Rock tabata realmente di lamentá ya ku manera ela kai nan a morde na su garganta.
Paramedikonan a yega i transportá Pamela Jane Rock pa Hospital HCA Florida Putnam pero na momentu ku dòkternan tabata atendé kuné den trouma center ela bin fayesé.
Den e kaso aki segun Kapitan Tony Jones doño di e sinku kachónan aki ta responsabel pa lokual a pasa Pamela Jane Rock.