Sinku herido den tiroteo na Coney Island New York

NEW YORK – Sinku persona a resultá gravemente herida alrededor di 2’or djasabra mardugá den un kaso di tiroteo ku a keda registrá na Coney Island.
Kapitan Jeffrey Maddray hefe di kuerpo polisial na New York a splika ku lokual nan tin na informashon ta ku un grupo di hende tabatin un fiesta improvisá na Coney Island.
Na dado momentu diskushon a kuminsá i un persona a saka un arma di kandela i kuminsá basha bala.
Konsekuensia di lokual e deskonosí aki a hasi ta ku ela herida 5 persona.
Kapitan Jeffrey Maddray a splika ku e hòmber ku a tira a bati retirada i laga sinku hende den estado krítika.
Pa lokual ta e sospechoso ku a kometé e krímen horibel aki no a keda detené ainda.
Kapitan Jeffrey Maddray a bisa ku tabata un fin di siman bastante violento na New York debí ku vários kaso di tiroteo registrá.
E kasonan di tiroteo a keda registrá na Brooklyn, Bronks, Haarlem, Queens i na Coney Island.