Sindikato di Italia a yama wèlga general pa hinter pais

ROMA – Maurizio Landini sekretario general di e organisashon Cgil (Confederación General Italiana del Trabajo) a yama un wèlga general pa hinter siman aki te ku djabièrnè 16 di desèmber.
E motibu dikon Maurizo Landini a kanta wèlga general ta debí ku despues ku ela reuní ku Giorgia Meloni promé Minister di Italia ela keda desapuntá.
Giorgia Meloni no a akordá na práktikamente ningun di e petishonnan di e lider sindikal Maurizo Landini a presentá i esaki a pone ku a kanta wèlga general.
Maurizo Landini a bisa ku ta p’esei e úniko manera pa hala atenshon di promé minister Giorgia Meloni ta pa kanta wèlga general.
E lider sindikal di Cgil a bisa ku enbes di sigi gasta plaka di pagadónan di belasting mandando arsenal i armamentu Ukrania kuminsá atendé ku e problema serio ku tin na Italia mes. Maurizo Landini a bisa ku empleadonan públiko na Italia ta gana un miserabel salario mínimo ku no ta yega pa sobrebibí.
Ta p’esei ta bai un wèlga general pa asina pone preshon riba promé minister Giorgia Meloni pa subi salario mínimo ku ta keda gasta na Italia mes.