Siman a kuminsá ku likidashon di dos presu den prizon na Ecuador

QUITO – Patricio Carrillo Minister enkargá ku asuntunan Interior na Ecuador a konfirmá ku siman a kuminsá malu i ku tabatin otro kaso mas di reglamentu di kuenta entre presunan na un prizon na Santo Domingo ku yama Tsáchilas.
Den konfrontashon entre presunan tabatin un total di dos presu a muri i otro sinku a resultá gravemente herida.
Patricio Carrillo a splika ku e víktimanan tabata forma parti di mesun gengnan rival ku a bringa ku otro na un prizon na Cuenca kaminda 20 presu a fayesé i otro 10 a resultá herida.
Patricio Carrillo a splika ku den e último dos añanan ku a pasa alrededor di 400 presu a muri den e prizonnan na Ecuador.