Silvania a baha ‘brabu’ riba èks minister Girigorie

WILLEMSTAD. Ayera minister di finansa, Silvania, a ranka sali brabu riba èks minister Girigorie, èks minister di finansa i aktual lider di frakshon di PAR pasobra e lo a firma akuerdonan ku Hulanda sin ku tabatin fondo reservá riba presupuesto pa paga Hulanda bèk.

Aktualmente ta kombersá CFT i ku Minsiterio di Finansa i ta kombersando riba defisitnan i no por kombersa prome ku 2025 riba sanamentu dje defisitnan.
Pa motibu ku aktualmente e minister ta kombersando ku CFT i minister di Defensa i van Huffelen e no por a bai masha den detaye riba e pagonan ku Girigorie a mara Kòrsou na dje.
Den e kaso aki Silvania a papia di presupuesto ku no a ser aprobá pa minister di Finansa kende a tene un diskurso manera un telaraña pa yega na e konklushon ku Girigorie no a hasi ningun pregunta riba presupuesto 2023 ku ta un doló di djente awor.
E akuerdo ku Girigorie a firma ta pa presupuestá plaka pa patruyahe di Wardakosta 24/7 i kompra di radar.

E minister a tilda e èks minister ku tur aña Kòrsou ta paga 6.7 mion florin pa servisio di Wardakosta pero tur aña e ministerio ku Girigorie a manehá tabatin problema pa paga e suma regular.
Pero asina mes ela firma pa paga mas.
Silvania a bisa ku Girigorie mester a bisti su karson i bai serka van Huffelen pero ora e tabata sintá riba e stul ministerial e no tabatin su karson bistí.