Silensio, tempu ku ta duna miedo

Silensio ta kousa temor pasobra nos tin miedu pa topa ku nos mes
Outor: P. Arnaldo Alvarado S.

Tin un hecho ku ta oumentá interes den nos tempu, esaki ta, simplemente silensio i e miedu pa e periodo aki. Hopi hende ta teme ousensia di kualke zonido. Den un okashon pa efisiensia di medionan di transporte mi a hasi uso di servisio di taksi. Esta un sorpresa! A sosodé algu no usual. E shofùr di e taksi tabata traha den sintonisá ku un músika instrumental. Mi kuriosidat tabata pa puntr’é e  rason. E kontesta tabata simplemente pasobra e tabata trankilis’é. Pero esaki no tabata tur kos. E shofùr a añadí  ku ami no tabata e promé ku a pone atenshon den e detaye di e músika, sino ku tur hende ku a biaha ku e shofùr di taksi aki a presentá nan mes dudanan. Algun inkluso a bira furioso i violento, ku a laga nan baha di de outo.

Pero, dikon normalmente nos no ta gusta silensio? Ta simplemente pasobra nos ta bashí di paden. E hòmbernan grandi di historia a stima silensio. Pasobra nan tabatin ku disidí hopi kos importante di moda mas trankil, íntimo i personal.

Fe kristian tin un práktika di bida sumamente interesante: e retiro. Di e moda aki e ta pretendé imitá Hesus. Pues Señor mes tabata pasa dianan i oranan den orashon. E evangelionan ta presentá nos detayenan manera: El a lanta mardugá, El a retirá su mes i keda su so, El a akudí den desierto, E tabata den un lugá apart. Nan ta datonan ku ta presentá bida di Kristu den un diálogo kontinuo ku Dios Tata. Pa esaki silensio ta útil. E ta un enkuentro interior ku nos mes i alabes ku Dios mes. Komo konsekuensia nos tin e nesesidat pa hasi orashon.
Silensio ta un tempu pa probechá di dje. Nos ta realmente den nos santuario di konsiensia, dilanti kual ningun hende por drenta sino únikamente Dios i ora nos ta habrié pa esnan ku tin kompetensia pa yuda nos. Pero nos no ta ventilá nos intimidat na kualkier persona. Hasié lo nifiká falta di poder i inkluso di rèspèt pa ku bo mes i pa e otro persona. Kuantu disgustu esaki lo kousa ora nos ta ventilá problemanan personal den  públiko. Bo no ta regla nada di e moda aki.

Silensio ta yuda nos konosé nos mes. E retiro ta yuda nos revisá nos trayekto di bida. E ta un revishon impresindibel. Nos ta traha un balanse di kon nos ta. E ta nifiká simplesa i humildat. Tambe fortalesa i sinseridat pa ku nos mes.

Silensio ta kousa temor pasobra nos tin miedu pa topa ku nos mes. Nos ta duna kuenta ku e bida interior ta débil i den pió kasonan bashí, sin idealnan grandi. Nos por kompará esaki ku sende lus den un kamber sin bentana. Ta masha probabel ku nos tin ku eksigí di nos mes i despues kambia hopi kos ku ta laga di deseá, pero komo ku nos no ta gusta esaki e ora ei simplemente nos ta buska boroto, aktividat i yena e silensio aki ku batimentu di bleki i kosnan ku ta trankilisá e gritu di konsiensia.